1354. o. T. Czarnowanz

Noverint universi, quorum audiencie presens scriptum fuerit devolutum, Quod Ego Jescho dictus de Grutitz, Dominus ville Kromlowicz, cum allodio et aliis omnibus pertinenciis et connexis ibidem, prout dinoscitur circumferencialiter in suis terminis fore limitata, vite mee temporibus, ex speciali dono et concessione michi per Dominum Jacobum prepositum Domus dei et totum suum conventum, ut ex litteris super hoc et publicis instrumentis confectis elicitur, facta, prehabita amicabili in antea cum ipso domino.. preposito et suo conventu unionis concordia ampliori, racione eiusdem ville et allodii et aliis ut premittitur ad tempora vite mee, eidem domino.. preposito, vel qui pro tempore fuerit, et suo conventui et Monasterio Domus dei predicte ad omnia servicia licite conpetencia teneor peragenda, in quantum possum, et astringor, volens et specialiter promittens, quod dicta villa et allodium cum universis equis et vaccis, pecoribus, ovibus, et aliis rebus, mobilibus et inmobilibus, mox post mortem meam ad dictum monasterium Domus dei, que ibidem invente fuerint, revertantur, absque ulla rerum predictarum ablacione fraudosa, exnunc prout extunc libere, cum omnibus pertinenciis et connexis, quas in metis et graniciis eiusdem ville dinoscor optinere, ab omni inpedimento, et reducantur. In cuius rei testimonium presentem dedi litteram meo sigillo appenso signatam. Datum in Monasterio Domus dei predicte, Anno Domini M°. CCC°. liiii°. Presentibus dominis Jacobo et Haschoni, fratribus canonicis Montis Syon, Swenthoslao priori eiusdem Monasterii, Nicolao de Dobra plebano, et Henrico notario, et aliis multis.

Anhangend ein kleines rundes Siegel (Wappenschild mit einem Kreuz) mit der Umschrift: S. IESCONIS. DE. GRVTICZ.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.